"IKEA"nın 16 dollarlıq oyuncağı rekord qiymətə satılır

Yaponiyada zooparkda lentə alınan görüntülərlə məşhurlaşan balaca makaka meymunu "Punch"un qucaqladığı "IKEA" oyuncağı dünya üzrə sürətlə satılıb.

Valyuta.az xəbər verir ki, "Alphabet"ə bağlı İsveç pərakəndə nəhəngi "IKEA"nın “DJUNGLESKOG” adlı yumşaq oranqutan oyuncağı bir çox ölkədə, o cümlədən ABŞ, Yaponiya və Cənubi Koreyada tükənib. Avstraliyada da məhsula tələbat kəskin artıb.

Şirkət nümayəndəsinin açıqlamasına görə, son bir həftə ərzində satışlar 200%-dən çox artıb və Avstraliyada 990-dan çox oyuncaq satılıb. Bu, həftəlik orta satış göstəricisinin iki dəfədən çox artması deməkdir.

Normalda 16 dollara satılan oyuncaq, eBay platformasında artıq 126 ABŞ dollarına (təxminən 178 Avstraliya dolları) qədər təklif olunur. Elanların əksəriyyəti 150 dollardan yuxarı qiymətlə yerləşdirilib.

Xatırladaq ki, "Punch" doğulduqdan sonra anası tərəfindən tərk edilib və baxıcılar onun tənhalığını azaltmaq üçün bu oyuncağı veriblər. Meymunun oyuncağı hər yerdə özü ilə gəzdirməsi sosial şəbəkələrdə geniş yayılıb və qlobal marağa səbəb olub.

Artan maraq fonunda "IKEA" Yaponiyadakı zooparka bir neçə yumşaq oyuncaq hədiyyə edib. Zoopark isə "Punch"un məşhurluğundan sonra heyvanların stress yaşamaması üçün ziyarətçilər üçün yeni qaydalar tətbiq edib.

Sərvanə Rəmixanova