Çöldə yemək yeyərkən maaşınızı israf edən 5 pis vərdiş

İstər daha çox, istərsə də az xərcləyin, restoranlara gedərkən xərcləri azaltmağın yolları demək olar ki, həmişə mövcuddur. Bəziləri planlaşdırma tələb edir — məsələn, büdcə yaratmaq və ya kupon axtarmaq — digərləri isə birbaşa restoranda tətbiq oluna bilər.

Aşağıda maaşınızın daha az hissəsini çöldə yeməyə sərf etməyiniz üçün tərk etməli olduğunuz bəzi pis vərdişlər təqdim olunur:

Büdcə planının olmaması

Ən başlıcası – "Ramsey Solutions"un tövsiyəsinə görə, çöldə yemək zamanı pulunuza qənaət etməyin ən yaxşı yolu büdcə planı hazırlamaqdır. Beləliklə, ay ərzində çöldə yeməyə nə qədər pul xərcləyəcəyinizi əvvəlcədən bilmiş olarsınız.

Endirim və kampaniyalardan yararlanmamaq

Tənbəlliyə qapılmayın. Əgər restoranda yemək yeməyi planlaşdırırsınızsa, ən azından həmin məkanın hansı endirimlər təklif etdiyini yoxlayın. "The Penny Hoarder"ə görə, bəzi restoranlarda ehtimal olunan kampaniyalar, uşaqlar üçün pulsuz yeməklər və kuponlar mövcud olur.

Eqoist davranmaq

Bu tövsiyə həm xərclərə, həm də kalori qəbuluna qənaət etməyə kömək edə bilər. Hər kəsin ayrı-ayrı yemək sifariş etməsi əvəzinə, paylaşmaq üçün uyğun seçimlərə baxın. Məsələn, iki bəzəkli yemək və garnirdən ibarət steyk və krevetli menyu kifayət qədər dolğun ola bilər. Digər üsul isə böyük porsiyon sifariş edib yarısını evə aparmaqdır.

Çatdırılma tətbiqlərinə güvənmək

Əgər yemək sifarişi üçün tətbiqlərdən istifadə edirsinizsə, yeməyin çatdırılma zamanı nə qədər baha başa gəldiyini yəqin ki, bilirsiniz. Bunun əvəzinə, bir az gəzintiyə çıxıb restorana gedə və ya işdən evə dönərkən yolda yeməyi götürə bilərsiniz.

Sosiallaşma xərclərini şişirtmək

Bir çox insan çöldə yeməyi dostları və ailəsi ilə vaxt keçirmək üçün seçir. Lakin bu zaman bahalı restoranda daha çox pul xərcləyə bilərsiniz. "Ramsey Solutions" bunun əvəzinə, qəhvə və ya çay içmək üçün görüşməyi və ya növbə ilə bir-birinizin evində yemək yeməyi tövsiyə edir.

Tənzilə Ağabalayeva