"Apple" yaxın həftələrdə böyük təqdimata hazırlaşır: Nələr gözlənilir?

"Apple" genişmiqyaslı cihaz yeniləmələrinə hazırlaşır – yaxın həftələrdə yeni "iPhone", "iPad" və "MacBook" modellərinin təqdimatı gözlənilir. 

Valyuta.az xəbər verir ki, "Bloomberg"in məlumatına görə, şirkət məhsulları mart ayının əvvəlində təqdim etməyi planlaşdırır və ənənəvi bahar anonslarını davam etdirir.

Ən çox diqqət çəkən xəbər isə "iPhone 17e"nin 19 fevralda satışa çıxmasıdır. Yeni əlçatan "Apple" smartfonu bir sıra aparat təkmilləşdirmələrinə malik olacaq – A19 çipi və "MagSafe" dəstəyi bunlara daxildir. Qiymət isə əvvəlki səviyyədə qalacaq – təxminən 599 dollar.

"iPhone 17e"dən sonra "Apple" yenilənmiş "iPad", "iPad Air" və "MacBook Air" modellərini, həmçinin M5 Pro və M5 Max çipləri ilə yeni "MacBook Pro" nəsilini təqdim etməyə hazırlaşır. Bir qədər sonra isə "Mac Studio", "Studio Display" və "Mac" mini üçün yeniliklər gözlənilir.

"Apple" həmçinin standart "MacBook"dan daha ucuz versiya buraxmağı planlaşdırır. Başlanğıc qiymətin 600–700 dollar olacağı, içərisində isə "iPhone" prosessorunun olacağı gözlənilir.

Jurnalist Mark Qurman hesab edir ki, "Apple" ənənəvi təqdimat tədbirini – onlayn yayımlı – keçirməyəcək; cihazlar haqqında məlumat rəsmi sayt vasitəsilə press-reliz formatında veriləcək.

Məlumata görə, "Apple" baza "iPhone 18" modelinin çıxışını 2027-ci ilə qədər təxirə salıb. Bu payız yalnız üç smartfon təqdim olunacaq: "iPhone 18 Pro", "iPhone 18 Pro Max" və qatlanan "iPhone".

Paşa Məmmədli