Bu il əlavə gəlir üçün "ChatGPT"nin təqdim etdiyi 4 praktik yanaşma

Süni intellekt alətləri, xüsusilə də "ChatGPT" əlavə gəlir mənbəyi (side hustle) yaratmaq istəyənlər üçün ideya mərhələsini xeyli qısalda bilər. 

Valyuta.az xəbər verir ki, "Intuit" şirkətinin araşdırmasına əsasən, Z nəsli nümayəndələrinin əksəriyyəti bir neçə gəlir mənbəyi yaratmağı planlaşdırır. 

Əsas problem ideya çatışmazlığı yox, hansı ideyanın real və test edilə bilən olduğunu müəyyənləşdirməkdir.

Valyuta.az "Forbes" üçün qələmə alınan məqalədə 2026-cı ildə əlavə gəlirə başlamaq üçün "ChatGPT"dən necə istifadə etməyin mümkün olduğu izah edilir.

1. Gördüyünüz real problemlərdən başlayın

Davamlı əlavə gəlir ideyaları trend hesabatlardan yox, gündəlik həyatda müşahidə olunan real problemlərdən yaranır. İş yerində, evdə və ya yaşadığınız icmada qarşılaşdığınız çətinliklər ən sağlam başlanğıcdır.
"ChatGPT" üçün nümunə sual:

“Məni üç problem müşahidə etmişəm [nümunələri qeyd et]. Hansının əlavə gəlir ideyasına çevrilə biləcəyini müəyyənləşdirmək istəyirəm. Hər biri üzrə bunun geniş yayılıb-yayılmadığını göstərən statistika və bu problemi artıq həll edən bizneslərin olub-olmadığını izah et”.

Bu yanaşma ideyanın real ehtiyac olub-olmadığını ayırd etməyə kömək edir.

2. Kimlərin sizə pul ödəyəcəyini dəqiqləşdirin

“Kiçik bizneslərə marketinqdə kömək edirəm” kimi ümumi ifadələr kifayət etmir. Müxtəlif sahələrin ehtiyacları və qərar mexanizmləri fərqlidir.
ChatGPT üçün nümunə sual: “Bu ideya üçün pul ödəməyə ən meyilli olan konkret şəxsi təsvir et. Onun hansı problemi var, harada vaxt keçirir və bu həll nə zaman ona zəruri görünər?”

Bu addım hədəf auditoriyanı və təklifin dəyərini aydınlaşdırır.

3. AI-nin rolu harada başlayır, harada bitir?

AI ən yaxşı halda dəstəkçi rolunu oynayır. Etimad, qərarvermə və kontekst tələb edən işlər insan nəzarətində qalmalıdır. Sənədləşmə, strukturlaşdırma və ilkin analiz isə AI-yə həvalə oluna bilər.
ChatGPT üçün nümunə sual: “Bu xidməti göstərmək üçün mərhələləri sadalayıram. Hansı hissələr AI tərəfindən dəstəklənə bilər ki, müştəri təcrübəsi dəyişməsin?”

4. Böyük açılış yox, kiçik test edin

Əksər əlavə gəlir cəhdləri sayt, brendinq və kontent mərhələsində ilişib qalır. Halbuki əsas məqsəd ilk ayda kiminsə ödəniş edib-etməyəcəyini görməkdir.
ChatGPT üçün nümunə sual: “Bu ideyanı sınaqdan keçirmək istəyirəm. Bu ay (üçün vaxt) və (büdcə)m var. Minimal test planı hazırla: ən kiçik təklif, müştəriləri haradan tapmaq, təklifi necə təqdim etmək və hansı nəticə davam etməyə dəyər olduğunu göstərər”.

Bu yanaşma həm yeniyetmələr, həm də böyüklər üçün keçərlidir.

Sərvanə Rəmixanova