Azərbaycanlının Amerikada salat biznesi ilə qazandığı uğur hekayəsi

1995-ci ildə Orxan Vəlinin ailəsi Birləşmiş Ştatlara gələndə, uğursuzluq sadəcə bir variant deyildi. Sovet İttifaqının dağılması və Azərbaycandakı etnik münaqişələr səbəbindən onlar ölkəni tərk etməyə məcbur qaldılar. ABŞ-da isə hər şey sıfırdan başladı.

Valyuta.az xəbər verir ki, o zaman Orxan cəmi 11 yaşında idi. Atası mühəndis olsa da, pizza çatdırırdı. Anası rəssamlıq təhsili almışdı, amma çap fabrikində işləyirdi. Bu çətinliklər Orxanı dərindən təsirləndirdi.

Vaxt keçdi, Orxan kollecə daxil oldu, maliyyə üzrə oxudu, amma korporativ dünya ona görə deyildi. 2006-cı ildə o və atası evlərinin girovunu qoyaraq ilk “cheesesteak” restoranını aldılar. Risk böyük idi - amma geriyə yol da yox idi.

2012-ci ildə ilk “Saladworks” restoranını açdılar. Sonra isə ikinci. Bundan sonra Orxan əvvəlki restoranı satıb bütün diqqətini salat işinə yönəltdi. İndi Filadelfiya ətrafında 11 “Saladworks” filialına sahibdir və bu brendin ən uğurlu françayzi sahibidir.

Uğurunun sirrini isə belə izah edir: “İnsanlara və onların bacarığına inanmaq.” Məsələn, işçiləri dəstəkləmək onun üçün əsas prioritetdir.

Orxanın 3 əsas iş prinsipi:

Komandaya uyğunlaş - komandadan uyğunlaşmanı gözləmə.

İlk restoranında işçilərin çoxu yalnız ispan dilində danışırdı. Orxan onları dəyişmək əvəzinə özü ispan dilini öyrəndi.

Təkcə məqsəd qoyma - inkişaf etməyə kömək et.

O, dil bilməyən, amma zəhmətkeş bir işçini dəstəklədi. Bu gün həmin şəxs filial müdiridir.

Müxtəlif xarakterlərdən komanda qur.

Orxan deyir ki, komandanın içində lider də, motivator da, tənqidçi də, yaradıcı da, təşkilatçı da olmalıdır. Bu fərqlilik uğurun əsas açarıdır.

Rəhbərlikdən dəstək

“Saladworks”un ana şirkəti “WOWorks”un baş direktoru Kelli Roddi isə Orxan haqqında deyir:

“O, sistemin içində öz qaydalarını qurur. Komandasına dəyər verir və bu, nəticələrdə özünü göstərir.”

Maya Hüseynova