Bankların depozit faizlərinə çəkdiyi xərclər 1,16 mlrd. manata yüksəlib

Cari ilin dekabr ayının 1-nə Azərbaycanda bankların cəlb etdikləri depozitlər (əmanətlər) üzrə faiz xərcləri 1 milyard 164.2 milyon manat təşkil edib.

Valyuta.az xəbər verir ki, bankların depozitlər üzrə faiz xərcləri ötən ilin eyni dövrü ilə müqayisədə 43.1% və ya 350.8 milyon manat artıb.

Cari ilin noyabr ayının 1-i ilə müqayisədə isə 10.6% və ya 111.4 milyon manat artım göstərib.

2024-cü ilin müvafiq dövründə banklar 813.4 milyon manat, noyabr ayının 1-nə 1 milyard 052.8 milyon manat depozit faizi ödəmişdilər.

Qeyd edək ki, cari ilin dekabr ayının 1-nə banklarda depozit portfelinin 21 milyard 354.3 milyon manatı hüquqi şəxslərin, 15 milyard 847.7 milyon manatı isə fiziki şəxslərin depozitlərində ibarət olub.

Mayya Hüseynova