Bu sığorta üzrə yığımlar 10 milyondan çox artıb

Cari ilin yanvar-noyabr aylarında şəxsi sığorta üzrə 134 milyon 185 min manat sığorta haqqı ödənilib.

Valyuta.az xəbər verir ki, bu, ötən ilin eyni dövrü ilə müqayisədə 10 milyon 800 min manat və ya 8,7 % artım deməkdir. 

2024-cü ilin yanvar-noyabr aylarında şəxsi sığorta üzrə 123 milyon 385 min manat sığorta haqqı ödənilmişdi.

Bu ilin yanvar-noyabr aylarında şəxsi sığorta üzrə ödənişlər 82 milyon 412 min manat təşkil edib ki, bu da ötən ilin eyni dövrü ilə müqayisədə 6 milyon 406 min manat və ya 7,2 % azalma deməkdir.

Qeyd edək ki, 2024-cü ilin yanvar-noyabr aylarında 88 milyon 818 min manat məbləğində şəxsi sığorta ödənişi həyata keçirilmişdi.

Tənzilə Ağabalayeva