"Citigroup" Rusiyadakı biznesinin satışına görə 1,1 milyard dollard zərərə düşəcək

Amerika maliyyə konqlomeratı "Citigroup"un Rusiya "Citibank" aktivlərinin satışından vergi sonrası zərərləri 1,1 milyard dollardan çox olacaq.

Valyuta.az xəbər verir ki, bu barədə "Bloomberg" yazıb.

Jurnalistlərin fikrincə, "Citigroup"un əsas zərərləri məzənnə düzəlişləri ilə bağlıdır, buna görə də bank rəhbərliyi elan edilmiş zərər məbləğinin hələ də dəyişə biləcəyi barədə xəbərdarlıq edib.

12 noyabrda Rusiya prezidenti Vladimir Putin Renaissance "Capital"a "Citigroup Netherlands B.V."dən "Citibank" səhmlərinin 100%-ni almağa icazə verib. Qərar prezidentin 5 avqust 2022-ci il tarixli "Müəyyən xarici dövlətlərin və beynəlxalq təşkilatların qeyri-dost hərəkətləri ilə əlaqədar maliyyə və yanacaq-enerji sahələrində xüsusi iqtisadi tədbirlərin tətbiqi haqqında" fərmanına uyğun olaraq qəbul edilib.

Bundan əvvəl "Citibank" müştərilərinə 1 noyabr tarixindən etibarən əmanətlər üzrə faiz hesablanmasının, yeni əmanətlərin açılmasının və bütün əmanət və yığım hesablarının saxlanılmasının və xidmətinin dayandırılacağı barədə xəbərdarlıq etmişdi və onlardan qalan vəsaitlərini mümkün qədər tez başqa bir maliyyə qurumuna köçürmələri xahiş olunmuşdu.

Paşa Məmmədli