Azərbaycan Avropaya ilbiz məhsullarının ixracına başlayır

Salyan rayonunun Şorsulu kəndində fəaliyyət göstərən ilbiz istehsalı müəssisəsi Avropa İttifaqı ölkələrinə məhsul ixrac edəcək.

Bu barədə Valyuta.az Azərbaycan Qida Təhlükəsizliyi Agentliyinə (AQTA) istinadən məlumat verir.

Bildirilib ki, müəssisənin ilbiz məhsullarının ixracına dair məlumatlar Avropa İttifaqının TRACES (Trade Control and Expert System) elektron platformasında müvafiq siyahıya daxil edilib.

Qeyd edək ki, daha öncə Avropaya dəri, kürü və qurbağa ayağı məhsullarının ixracına icazə alınıb.