9 ən yaxşı biotexnologiya startapı - SİYAHI

TechCrunch-ın ənənəvi Startup Battlefield müsabiqəsinə bu il minlərlə müraciət daxil olub. Seçim mərhələsinin nəticəsinə əsasən 200 ən iddialı startap müəyyənləşdirilib. Onlardan yalnız 20 startap böyük səhnədə yarışaraq 100 min dollarlıq mükafat uğrunda mübarizə aparacaq. Digər 180 startap isə öz kateqoriyalarında yarışda çıxış edəcək.

Valyuta.az xəbər verir ki, biotexnologiya və dərman sənayesinə aid seçilən startaplar isə aşağıdakılar olub.

CasNx

Nə edir: Orqan donorlarından alınan orqanlar üçün yeni tip antivirus müalicəsi tətbiq edir.
Niyə seçilib: Orqan bədəndən kənarda saxlanılarkən virusları təmizləyir və “universal donor” markerləri yaradır.

Chipiron

Nə edir: Daha yüngül, əlçatan və ucuz tam bədən MRI cihazı qurur.
Niyə seçilib: Cihaz SQUID texnologiyası (superkeçirici kvant interferensiya cihazı) ilə hazırlanır, bu, tibbdə MRI-ni geniş əlçatan etmək potensialına malikdir.

Exactics

Nə edir: Sürətli diaqnostik testlər hazırlayan platforma yaradır.
Niyə seçilib: İlk hədəfi Lyme xəstəliyi üçün evdə istifadə oluna bilən test dəsti; daha çox xəstəlik üzrə planlar da mövcuddur.

Lumos Strategies OÜ

Nə edir: Avara adlı yüksək tezlikli elektromaqnit cihazını istehsal edir.
Niyə seçilib: Cihaz qansız, təmassız induktiv terapiya təklif edir, yuxu keyfiyyəti, relaksasiya və idman sonrası bərpa üçün nəzərdə tutulub.

Miraqules

Nə edir: Qan laxtalanmasını təmin edən nanoteknologiya əsasında toz formasında məhsul hazırlayıb.
Niyə seçilib: Yaralanma zamanı dərhal laxtalanma effekti verir – xüsusilə hadisə yerində ilkin yardım üçün həyati əhəmiyyət daşıya bilər.

Nephrogen

Nə edir: Böyrək xəstəlikləri üçün gen terapiyası hazırlayır.
Niyə seçilib: AI-əsaslı texnologiyası gen-redaktəni məhz xəstəlik yaradan hüceyrələrə dəqiq yönləndirir.

PraxisPro

Nə edir: Həyat elmləri və dərman satış-marketinq komandaları üçün AI-əsaslı təlim platforması təklif edir.
Niyə seçilib: Real vaxt analitika, simulyasiya və uyğunluq (compliance) təsdiqli məzmun təqdim edir.

Reme-D

Nə edir: Aşağı gəlirli və isti-rütubətli iqlim zonaları üçün əlçatan, ucuz və davamlı diaqnostik testlər yaradır.
Niyə seçilib: Xüsusilə inkişaf etməkdə olan ölkələr üçün uyğunlaşdırılmış diaqnostika təklif edir.

🫁 Surgicure Technologies

Nə edir: Endotraxeal boruların (ET) daha təhlükəsiz və stabil bərkidilməsi üçün patentli həll hazırlayıb.
Niyə seçilib: Cərrahiyyə zamanı xəstələr üçün rahatlıq və təhlükəsizlik artırılır.

Sərvanə Rəmixanova