15 ədəd şokolad oğurlayıb, yedi – Məhkəmə bəraət verdi

Bakıda marketlər şəbəkəsinin birində 15 ədəd “Alpen Gold” şokoladı oğurlayıb, yeyən şəxslə bağlı məhkəmə qərar verib. 

Valyuta.az-ın məlumatına görə, 1990-cı il təvəllüdlü Cabir Sabirov (ad, soyad-şərti) 20 noyabr 2023-cü il tarixdə “Oba” adlı marketdən 15 ədəd “Alpen Gold” şokoladı oğurlayıb. Şokoladları oğurlayıb yedikdən sonra polis tərəfindən saxlanılıb. 

Barəsində xırda talama inzibati xəta protokolu tərtib edildikdən sonra iş məhkəməyə göndərilib. 

Məhkəmənin hökmü ilə, Cabir Sabirov tərəfindən marketə vurulmuş ziyan tamamilə ödədiyindən və zərərçəkmiş şəxslə barışdığından barəsində İnzibati Xətalar Məcəlləsinin 227-ci maddəsi ilə olan inzibati xəta haqqında işə üzrə icraata xitam verilib. 

Sadiq İsbəndərli