“YouTube” istifadəçiləri bəzi brauzerlərdə video yükləməkdə çətinlik çəkməyə başlayıblar. 

Valyuta.az xəbər verir ki, bu barədə "gHacks" məlumat yayıb.

İstifadəçilərin sözlərinə görə, əsasən problem "Firefox", "Vivaldi", "Opera" və digər brauzerlərdən istifadə edənlərə təsir edir.

Mənbənin sözlərinə görə, bu brauzerlərdə “YouTube” videoçarxını açarkən istifadəçilər səhifə yüklənmədən və məzmun oynamazdan əvvəl bir neçə saniyə ərzində qara ekranla qarşılaşırlar. Ancaq bu problem bütün istifadəçilər üçün baş vermir.

Gecikmənin səbəbləri hələlik məlum deyil, lakin bunun aradan qaldırılması üçün bəzi yollar var. Məsələn, "YouTube"u anonim rejimdə açmağa və ya mobil cihazınızda videolara baxmağa cəhd edə bilərsiniz. İstifadəçilərə həmçinin brauzeri müəyyən edən "İstifadəçi-Agent" parametrini dəyişdirmək tövsiyə olunur.

Güman edilir ki, bu, "YouTube"un brauzerlərində reklam blokerləri quraşdırılmış istifadəçilərlə mübarizə üsuludur. Bunun üçün "Google" qəsdən koda səhifənin yüklənməsini 5 saniyə ləngidən xüsusi sətir əlavə edib.

“YouTube”un sahibi olan “Google” hələlik bu vəziyyətlə bağlı açıqlama verməyib.

Paşa Məmmədli