Xaricə satılan neft koksunun qiyməti 3 dəfə ucuzlaşıb

Ötən il Azərbaycandan xaricə 210 min 13 ton miqdarında neft koksu ixrac edilib.

Valyuta.az rəsmi məlumatlara istinadən xəbər verir ki, bu miqdarda məhsul ixracından əldə olunan gəlir 18 milyon 45 min ABŞ dolları təşkil edib. İxrac olunan məhsul ötən ilin eyni dövrü ilə müqayisədə miqdar ifadəsi ilə 10,5% və ya 22 min 98  ton, dəyər ifadəsi ilə isə 3,2 dəfə, yaxud da 40 milyon 36 min ABŞ dolları azalıb. 2023-cü ildə Azərbaycandan ixrac olunan neft koksunun miqdarı 232 min 111 ton, dəyəri isə 58 milyon 81 min ABŞ dolları olub.

Ötən il ixrac olunan neft koksunun bir ton üçün orta qiyməti 86 ABŞ dolları olub ki, bu da, illik müqayisədə 164 ABŞ dolları 2,9 dəfə ucuzlaşıb. 2023-cü ildə ixrac olunan neft koksunun bir ton üçün orta qiyməti 250 ABŞ dolları idi.

Əvəz Həsənov