“WhatsApp”-dan yeni funksiya - Bir telefonda 2 fərqli hesab açmaq olacaq

Tezliklə “WhatsApp”-a iş hesabından və şəxsi hesabından müxtəlif telefonlarda istifadə etmək məcburiyyətində qalan istifadəçiləri azad edəcək funksiya gələcək. Bu xüsusiyyət sayəsində istifadəçilər eyni telefondan 2 fərqli “WhatsApp” hesabına daxil ola biləcəklər.

Valyuta.az bu barədə xarici mediaya istinadən xəbər verir.

Bildirilib ki, “WhatsApp” ən çox istifadə edilən mesajlaşma proqramlarından biridir və yeni yeniləmələr əldə edərək istifadəçi təcrübələrini yaxşılaşdırmağa çalışır. “WhatsApp”-a gələn yeni xüsusiyyətlərdən biri də artıq 2 fərqli WhatsApp hesabı üçün iki telefondan istifadə etməyə ehtiyacın olmamasıdır. Bu funksiya hələ bütün ölkələrdə mövcud olmasa da, tezliklə hər yerdə istifadəyə veriləcəyi gözlənilir. 

Bu funksiya yalnız 2 fərqli telefon nömrəsi olduqda işlədiyi üçün əvvəlcə ikinci hesab yaradılmalıdır.