Vergi borcu olan internet provayderləri

“Rahat Telecom” MMC və “SN Telecom” MMC təşkilati-hüquqi formasını dəyişərək “AG Telecom” MMC-yə birləşdirilir.

Valyuta.az xəbər verir ki, ləğv edilən “Rahat Telecom” MMC-nin 100 min 354,43 manat borcu olduğu müəyyən edilib. Birləşdirilən qurumun qanuni təmsilçisi Samir Abbasov Zabit oğludur. Şirkət 2017-ci ilin avqustunda dövlət qeydiyyatına alınıb və nizamnamə kapitalı 4 002 020 manat təşkil edir.

Birləşdirici tərəf olan “AG Telecom” MMC-nin də 162 147,39 manat vergi borcu mövcuddur. Şirkət 2005-ci ildə dövlət qeydiyyatına alınıb və nizamnamə kapitalı 36 335 617 manatdır. Qanuni təmsilçi İlqar Nəhmədov Şamil oğludur. Qeyd edək ki, “AG Telekom” MMC Azərbaycan Respublikası ərazisində fəaliyyət göstərən ən böyük rəqəmsal xidmət təminatçılarından biridir. 

Sərvanə Rəmixanova