Ötən il dövlət büdcəsində yarım mlrd. manatdan çox kəsir yaranıb

2024-cü ildə dövlət büdcəsində 555,5 mln. manat kəsir (defisit) yaranıb.

Valyuta.Az rəsmi mənbələrə istinadən xəbər verir ki, ötən il dövlət büdcəsinin gəlirləri 37 mlrd. 164,2 mln. manat, xərcləri 37 mlrd. 719,7 mln. manat olub. 

2024-cü ilin dövlət büdcəsinin gəlirlərinin 

- 15 mlrd. 808 mln. manatı vergi və rüsumlar üzrə daxilolmalarının;
- 12 mlrd. 781 mln. manatı Azərbaycan Respublikasının Dövlət Neft Fondundan dövlət büdcəsinə transfertin; 
- 6 mlrd. 648,7 mln. manatı gömrük rüsumları və idxala görə vergi daxilolmalarının;
- 547,9 mln. manatı büdcə təşkilatlarının ödənişli xidmətlərindən daxilolmaların;
- 250 mln. manatı Mərkəzi Bankın reallaşdırılmış mənfəətinin sərbəst qalığından daxilolmaların;
-  37,6 mln. manatı dövlət  əmlakının icarəyə verilməsindən daxilolmaların;
- 1 mlrd. 21,1 mln. manatı sair daxilolmaların;
- 69,9 mln. manatı məqsədli büdcə fondları üzrə daxilolmaların payına düşüb.

2024-cü il dövlət büdcəsi xərclərinin 

- 21 mlrd. 800,3 mln. manatı cari xərclərə;
- 14 mlrd. 623,8 mln. manatı əsaslı xərclərə;
- 1 mlrd. 295,6 mln. manatı dövlət borcuna xidmətlə bağlı xərclərə yönəldilib. 

Bundan əlavə 2024-cü il üzrə funksional təsnifata müvafiq olaraq

- iqtisadi fəaliyyət xərcləri 9 mlrd. 701,2 mln. manat
- səhiyyə xərcləri 1 mlrd. 827,5 mln. manat
- təhsil xərcləri 4 mlrd. 390,1 mln. manat
- ətraf mühitin mühafizəsi xərcləri 361,9 mln. manat
- mənzil və kommunal təsərrüfatı xərcləri 319,5 mln. manat
- müdafiə və milli təhlükəsizlik xərcləri 6 mlrd. 563,6 mln. manat
- sosial müdafiə və sosial təminat xərcləri 4 mlrd. 151,3 mln. manat
-  məhkəmə hakimiyyəti, hüquq  mühafizə  və prokurorluq bölməsi üzrə xərcləri 2 mlrd. 809,8 mln. manat
- kənd təsərrüfatı xərcləri 1 mlrd. 102,1 mln. manat
- ümumi dövlət xidmətləri xərcləri 4 mld. 115,2 mln. manat
- əsas bölmələrə aid edilməyən xidmətlər bölməsi üzrə xərcləri 1 mlrd. 880,4 mln. manat
- mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət xərcləri 497,1 mln. manat təşkil edib.

2025-ci ildə dövlət büdcəsinin kəsiri 3 mlrd. 51,6 mln. manat proqnozlaşdırılır ki, bunun da 2 mlrd. 672,3 mln. manatının borclanma, 250 mln. manatının vahid xəzinə hesabının qalığı, 110 mln. manatının özəlləşmədən daxilolmalar və 19,3 mln. manatının məqsədli büdcə fondlarının vəsaitinin qalığı hesabına maliyyələşdirilməsi nəzərdə tutulur.

Rəhim