Redaktor
Süni intellektlə hazırlanmış 7 musiqi klipi
Son vaxtlar musiqi kliplərində süni intellektin istifadəsi sürətlə yayılır. Bir çox sənətçi kliplərinin yaradılmasında AI texnologiyalarından yararlanmağa başlayıb. Artıq vizual təsvirlər, animasiyalar və hətta personajlar belə süni intellektlə hazırlanır.
Valyuta.az süni intellektlə hazırlanan yeddi fərqli və maraqlı musiqi klipini təqdim edir.
Disturbed – Bad Man
Amerikalı rok qrupu Disturbed 2022-ci ildə “Bad Man” klipində Midjourney platformasından istifadə edib. Rejissor Tristan Holmesin rəhbərliyi ilə 10 minə yaxın süni intellektlə yaradılmış görüntü birləşdirilərək 30 gün ərzində unikal bir klip ortaya çıxarılıb. Bu klip o dövrdə digər AI layihələrindən fərqlənməyi bacarmışdı.
Linkin Park – Lost
2023-cü ildə yayımlanan bu klipdə Linkin Park qrupunun “Meteora|20” albomundan olan “Lost” mahnısına vizual tərtibat verilib. Qrupun orijinal görüntüləri süni intellektlə yaradılan vizuallarla birləşdirilərək təqdim olunub. Klipin hazırlanmasında Kaiber platformasından istifadə edilib.
Peter Gabriel – The Court
Peter Gabriel 2023-cü ildə Stability AI ilə birlikdə #DiffuseTogether adlı musiqi videosu yarışması keçirdi. Yarışmada iştirakçılar Stable Diffusion texnologiyası ilə onun “i/o” albomundan olan mahnılara uyğun animasiyalar yaratdılar. Qalib işlər rəsmi klip kimi yayımlandı və sənayenin AI texnologiyalarına marağını daha da artırdı.
Periphery – Atropos
Proqressiv metal janrında fəaliyyət göstərən Periphery qrupunun “Atropos” adlı mahnısına 2023-cü ildə yayımlanan süni intellekt dəstəkli klipi geniş maraqla qarşılandı. Klipdə Stable Diffusion texnologiyası ilə yaradılan abstrakt və dəyişkən vizual dünyalar yer alır.
Washed Out – The Hardest Part
Şəxsi adı Ernest Weatherly Greene Jr. olan musiqiçi Washed Out 10 il əvvəl düşündüyü bir ideyanı Sora vasitəsilə gerçəkləşdirə bildi. Klip rejissor Paul Trillonun təlimatlarına əsasən OpenAI-ın video generasiya aləti ilə 55 hissə şəklində hazırlanıb və Adobe Premieredə birləşdirilib.
Serdar Ortaç – Kış Kış
Türkiyəli sənətçi Serdar Ortaçın “Kış Kış” adlı mahnısına çəkilən klipdə sənətçi fiziki olaraq iştirak etməsə də, süni intellekt texnologiyası ilə rəqəmsal olaraq cavanlaşdırılıb. Ortaç klipdə 1990-cı illərdəki görünüşü ilə əks olunub. Vizual materiallar @turkart_ai tərəfindən yaradılıb, klipin rejissoru Erkan Nas, montajı isə Betül Şahin tərəfindən həyata keçirilib.
Sezen Aksu feat. Ozan Bayraşa – Doğrucu
Sezen Aksu və Ozan Bayraşa əməkdaşlığı ilə ərsəyə gələn “Doğrucu” klipi Google-un Veo 3 süni intellekt aləti ilə hazırlanıb. “Paşa Gönül Şarkıları” albomunda yer alan bu klip, Google Gemini və Veo 3 texnologiyaları ilə vizuallaşdırılıb. Klipin rejissoru Öner S. Biberkökü olub.
Sərvanə Rəmixanova
Köşə yazıları
Xəbər lenti
Bütün xəbərlərKənd məktəbində bir uşağın illik orta xərci bir neçə nəfərin Bakıda özəl təhsilinə bərabərdir - Nazir
15.12.2025Bir gecəlik istirahətə görə 60 min dollar
15.12.2025Dövlət Vergi Xidməti 10 milyon manatlıq tenderi elan edib
15.12.2025Gömrük generalı təqaüdə göndərildi
15.12.2025Azərbaycanda NVIDIA H200 çipləri ilə işləyən superkompüter mərkəzi quruldu
15.12.2025Çin Braziliyanın qızıl yataqlarını alır və bazar liderliyini gücləndirir
15.12.2025Bu avtomobillər ucuzlaşa bilər?
15.12.2025Yanan binanın sakinlərinə təzminat ayrıldı
15.12.20252026-cı ildə daşınmaz əmlak bazarını nə gözləyir?
15.12.2025FHN yanğın təhlükəli sexlərin fəaliyyətini dayandırdı
15.12.2025Məlumatları milyardlarla il saxlaya bilən "5D yaddaş" texnologiyası təqdim edildi
15.12.2025"General-mayor" ali hərbi rütbəsi alan Seymur Qaraşov kimdir?
15.12.2025Şirkətin tarixində ilk: "Volkswagen" Almaniya zavodunda istehsalı dayandırır
15.12.2025İcra başçısı baş mütəxəssisi işdən çıxardı
15.12.2025Sumqayıtda böyük söküntü - İcra Hakimiyyətindən açıqlama
15.12.2025