Gizlilik baxımından ən təhlükəli veb-brauzerlər - SİYAHI

"Digitain" komandası tərəfindən 2025-ci ilin dekabr ayında aparılan araşdırmaya görə, istifadəçi məlumatlarının qorunması baxımından ən təhlükəli veb-brauzer "OpenAI"ın "ChatGPT Atlas" brauzeri hesab olunub. Onu Google Chrome izləyir.

Valyuta.az cəbər verir ki, brauzerlər üç əsas kriteriya üzrə qiymətləndirilib: gizlilik və barmaq izi (digital fingerprint) qorunması, izləyicilərin bloklanması və məlumat toplama effektivliyi, eləcə də bağlantı/naviqasiya təhlükəsizliyi. 

Yüksək bal istifadəçilərin gizliliyi üçün daha yüksək risk deməkdir:

* ChatGPT Atlas – 99 bal
* Google Chrome – 76 bal
* Vivaldi – 75 bal
* Microsoft Edge – 63 bal
* Opera – 58 bal
* Ungoogled – 55 bal
* Mozilla Firefox – 50 bal
* Apple Safari – 49 bal
* DuckDuckGo – 44 bal
* Tor – 40 bal

Araşdırmanın müəllifləri vurğulayırlar ki, "ChatGPT Atlas" kimi süni intellekt əsaslı yeni brauzerlər maraqlı funksiyalar təqdim etsə də, AI-ın öyrədilməsi üçün mümkün qədər çox məlumat toplamaq tələb olunduğundan, şəxsi məlumatlar daha çox toplanır.

Gizlilik baxımından ən yaxşı brauzerlər "Brave" və "Mullvad Browser" hesab olunub. "Mullvad" açıq mənbəli, gizlilik yönümlü brauzer olaraq izləməni minimuma endirir.

"OpenAI" öz brauzeri "ChatGPT Atlas"ı oktyabrın sonunda təqdim edib. Onun əsas xüsusiyyəti daxilindəki çatbot və agent funksiyalarıdır ki, bu da bir çox tapşırığı avtomatik yerinə yetirməyə imkan verir. Hal-hazırda brauzer yalnız "macOS" üçün mövcuddur: "Windows", iOS və "Android" versiyaları sonra çıxacaq.

2025-ci ilin sonuna olan məlumatlara görə, "Google Chrome"un bazar payı 78%-ə çatıb ki, bu da onun tarixində ən yüksək göstəricidir. Müqayisə üçün, ikinci yerdə olan "Microsoft Edge" yalnız 10% istifadəçi payına malikdir.

Paşa Məmmədli