Bağlanmış banklar “Bakı Metropoliteni”nin 3.7 milyon manatını qaytarmayıb

“Bakı Metropoliteni” Qapalı Səhmdar Cəmiyyətinin 2016-cı ildə lisenziyaları ləğv edilmiş banklarda saxlanılan vəsaitini indiyədək geri ala bilməyib.

Valyuta.az xəbər verir ki, sözügedən məbləğ “Texnikabank” ASC və “Bank Standard”da yerləşdirilən ümumi məbləği 3 milyon 709 min manat olan pul vəsaiti qalığıdır.

Belə ki, “Texnikabank”da 1 milyon 563 min manat, “Bank Standard”da isə 2 milyon 166 min manat vəsait qalıb.

QSC bildirir ki, bu vəsaitlərin bərpası üçün rəsmi tələblər irəli sürülsə də, maliyyə hesabatlarının təqdim olunma tarixinə qədər hər hansı bərpa baş verməyib. Nəticədə, şirkət bu vəsaitlərlə bağlı gözlənilən kredit zərərlərini maliyyə sənədlərində tanıyıb.

Mayya Hüseynova