Redaktor
Banklar kreditlərdən 3 mlrd. manatdan çox gəlir əldə edib
2025-ci ilin yanvar-noyabr aylarında bankların kreditlərdən əldə etdiyi faiz gəlirləri 3 milyard 585.1 milyon manat təşkil edib.
Valyuta.az xəbər verir ki, bu göstərici ötən ilin eyni dövrü ilə müqayisədə 777,4 milyon manat və ya 27,69% çoxdur.
2024-cü ilin eyni dövründə kreditlərdən əldə edilən faiz gəlirləri 2 milyard 807.7 milyon manat səviyyəsində idi.
Ümumilikdə, 2025-ci ilin ilk 11 ayında bankların faiz və bu qəbildən olan gəlirləri 4 milyard 554.2 milyon manat olub. Bu da ötən ilin eyni dövrü ilə müqayisədə 955,6 milyon manat və ya 26,55% artım deməkdir.
Maliyyə sektorunda yerləşdirilmiş vəsaitlər üzrə faiz gəlirləri 266.3milyon manatdan 305.3 milyon manata, qiymətli kağızlar üzrə faiz gəlirləri isə 392.7 milyon manatdan 505.9 milyon manata yüksələrək artım göstərib.
| Faiz gəlirləri | Məbləğ (milyon manat) | |||
|---|---|---|---|---|
| 2025, yanvar-noyabr | 2024, yanvar-noyabr | 2023, yanvar-noyabr | 2022, yanvar-noyabr | |
| Kreditlər üzrə | 3,585.10 | 2,807.70 | 2,336.60 | 1,993.30 |
| Maliyyə sektorunda yerləşdirilmiş vəsaitlər üzrə | 305.3 | 266.3 | 320.6 | 175.6 |
| Qiymətli kağızlar üzrə | 505.9 | 392.7 | 395.9 | 246.2 |
| 25.12.2025 | ||||
Mayya Hüseynova
