Bakıda Koreya içkilərinin hərracı keçiriləcək

Dövlət Gömrük Komitəsi dövlət mülkiyyətinə keçirilmiş mallar üçün yeni hərrac elan edib.

Valyuta.Az xəbər verir ki, bu dəfə hərracı təşkil olunan məhsullar Cənubi Koreya istehsalı alkoqollu içkilərdir.

Bunlara 4298 ədəd Jinro Chamisul Fresh, 3300 ədəd Jinro Grapefruit, 3297 ədəd Jinro Green Grape, 1300 ədəd Jinro Plum, 1299 ədəd Jinro Strawberry və 1301 ədəd Jinro Peach içkiləridir.

Start qiyməti 29 590 AZN təyin olunan hərracda iştirak haqqı 148 AZN-dir. 

Qeyd edək ki, hərrac 19 dekabr 2025-ci il tarixində saat 14:00-da Əmlak Xidmətləri Məkanında (Bakı şəhəri, Nəsimi rayonu, Səməd Vurğun küçəsi, ev 83, mənzil 4/3 ünvanında) keçiriləcək.