Azərbaycanda hər bankomata düşən orta əhalinin sayı 6,45% azalıb

Cari ilin oktyabr ayında bir bankomata düşən orta əhali sayı 2,9 min nəfər olub.

Valyuta.az xəbər verir ki, bu göstərici ötən ilin eyni dövrü ilə müqayisədə 200 nəfər və ya 6,45% azalıb. 

Belə ki, ötən ilin müvafiq dövründə bir bankomata düşən orta əhali sayı 3,1 min nəfər təşkil edib.

Qeyd edək ki, cari ilin fevral–sentyabr ayları ərzində bu göstərici 3,0 min nəfər səviyyəsində qalaraq dəyişməyib.

Hesabat dövründə hər 1 000 ödəniş kartına düşən əməliyyatların orta aylıq sayı 10 592,7, bu əməliyyatların həcmi isə 612 109,2 manat olub. Ötən ilin müvafiq dövrü ilə müqayisədə əməliyyatların sayı 10,11 %, əməliyyatların həcmi isə 1,12 % artıb.

Cari ilin iyun ayında bir ATM-ə düşən əməliyyatların orta sayı 4 364,4, həmin əməliyyatların həcmi isə 1 120 510,3 manat təşkil edib. Bir ATM üzrə bir əməliyyatın orta aylıq həcmi 256,7 manat olub.

Ötən ilin müvafiq dövründə isə bir ATM-ə düşən əməliyyatların orta sayı 4 724,4, əməliyyatların ümumi həcmi isə 1 113 115,3 manat təşkil edib.

Mayya Hüseynova