Azərbaycanda geniş pul kütləsi 47 milyard manatı ötüb

Bu ilin oktyabrında Azərbaycanda geniş pul kütləsi 47 milyard 490,7 milyon manat təşkil edib.

Valyuta.az Azərbaycan Mərkəzi Bankına istinadən xəbər verir ki, bu göstərici ötən ilin eyni dövrü ilə müqayisədə 6,8 faiz və ya 3 milyard 38,1 milyon manat çoxdur.

2024-cü ilin oktyabr ayında isə ölkədə geniş pul kütləsi 44 milyard 452,6 milyon manat olub.

O cümlədən, manatla pul kütləsi bu ilin oktyabr ayında 37 milyard 27,4 milyon manat təşkil edib ki, bu da ötən ilin eyni dövrü ilə müqayisədə 1,09 faiz və ya 402,4 milyon manat çoxdur.

Nəzərə çatdıraq ki, manatla pul kütləsi ötən ilin oktyabr ayında 36 milyard 625,0 milyon manat olub.

Tənzilə Ağabalayeva