Azərbaycan son 5 ildə ÜDM istehsalından nə qədər qazanıb?

Azərbaycan hər il milyardlarla manatlıq Ümumi Daxili Məhsul istehsal edir. Son beş ilin göstəriciləri iqtisadiyyatın illər üzrə qazandırdığı dəyəri və dəyişmə tempini ortaya qoyur. 

Valyuta.az son 5 ildə Ümumi Daxili Məhsulun Azərbaycana nə qədər qazandırdığınıı araşdırıb.

Cari ilin yanvar-sentyabr aylarında ölkədə 95 milyard 229,2 milyon manatlıq ümumi daxili məhsul istehsal olunub. Ötən ilin eyni dövründə bu rəqəm 92 milyard 829,9 milyon manat idi. Müqayisədə 2 milyard 399,3 milyon manat və ya 2,58 faiz artım qeydə alınıb.

2024-cü ilin yanvar-sentyabr aylarında ÜDM istehsalı 92 milyard 829,9 milyon manat olub. Bu, 2023-cü ilin eyni dövrü ilə müqayisədə 2 milyard 17 milyon manat və ya 2,22 faiz artım deməkdir.

2023-cü ilin yanvar-sentyabr aylarında ölkədə 90 milyard 812,5 milyon manatlıq ümumi daxili məhsul istehsal edilib. Bu, 2022-ci ilin müvafiq dövrü ilə müqayisədə 7 milyard 265,3 milyon manat və ya 7,4 faiz azalma deməkdir.

2022-ci ilin yanvar-sentyabr aylarında ÜDM-in həcmi 98 milyard 77,8 milyon manat təşkil edib. Bu göstərici 2021-ci ilin 62 milyard 877,4 milyon manatlıq nəticəsindən 35 milyard 200,4 milyon manat və ya 55,98 faiz çoxdur.

2021-ci ilin yanvar-sentyabr aylarında isə 62 milyard 877,4 milyon manatlıq ÜDM qeydə alınıb. 2020-ci ilin 52 milyard 74 milyon manatlıq göstəricisi ilə müqayisədə artım 10 milyard 803,4 milyon manat və ya 20,74 faiz təşkil edib.

Sərvanə Rəmixanova