"Škoda"dan tamamilə elektrikli və ChatGPT dəstəkli yeni model: Elroq

Avtomobil sektorunun ən qədim firmalarından biri olan Škoda, C-SUV seqmentindəki ilk tamamilə elektrikli modeli ilə qarşımızdadır. Škoda-nın ən yeni modeli olan Elroq, Praqada keçirilən dünya premyerası ilə təqdim olundu.

Markanın yeni dizayn dili olan “Modern Solid” ilə dizayn edilən ilk tam elektrikli model adını daşıyan Elroq, ənənəvi Škoda dizaynını müasir xətlərlə birləşdirir. Škoda Elroq, 4.488 millimetr uzunluğa, 1.884 millimetr enə və 1.625 millimetr hündürlüyə sahibdir. Elroq-un 9 fərqli rəng seçimi ilə satışa çıxacağını da qeyd edək.

Škoda-nın verdiyi məlumata görə, oturacaq döşəmələri, qapı panelləri və digər daxili səthlərdə istifadə olunan materiallar, geri dönüştürülmüş və ətraf mühitə həssas komponentlərdən istehsal olunur.

ChatGPT dəstəkli səsli köməkçi

13 düymlük ekranla təchiz edilən Elroq, Škoda-nın səsli köməkçisi Laura-nı istifadəçilərə təqdim edir. ChatGPT dəstəyi olan Laura, avtomobilin informasiya-əyləncə sistemi, naviqasiya və kondisioner idarəetmə sistemlərini idarə etməklə yanaşı, ümumi məlumat suallarına da cavab verə bilir.

{gallery}

560 kilometrdən çox məsafəni qət edə bilir

Tamamilə elektrikli bir model olan Elroq, 50, 60, 85 və 85x olmaqla dörd fərqli versiyada təqdim edilir. Elroq, 55 kWh, 63 kWh və 82 kWh olmaqla üç fərqli batareya tutumuna, həmçinin 125 kW-dan 210 kW-a qədər dəyişən motor güclərinə malikdir. Ən böyük litium-ion batareyaya malik Elroq versiyaları, WLTP dövründə 560 kilometrdən çox məsafəni qət edə bilir.

Giriş səviyyəsindəki Elroq 50 modeli 125 kW güc istehsal edərkən, Elroq 85x modeli isə dörd təkərdən çəkiş sistemi və əlavə motor ilə təchiz olunub. Elroq həmçinin inkişaf etmiş sürətli şarj texnologiyasına malikdir. 175 kW-a qədər DC sürətli şarj dəstəyi olan modelin, 85 və 85x versiyalarında olan 82 kWh tutumlu batareyası cəmi 28 dəqiqə ərzində 10 faizdən 80 faizə qədər şarj ola bilir.

Elroq modeli, Səyahət Asistanı, adaptiv sürət sabitləşdirici, piyadalar və velosipedçilər üçün qabaqcadan xəbərdarlıq edən əyləc sistemi, zolaq izləmə sistemi və tıxac asistanı kimi təhlükəsizlik sistemləri ilə təchiz edilib.