Vəzifələri başqalarına iş tapmaq idi, süni intellektə görə işsiz qaldılar

İş axtaranlar üçün vacib platformalar olan "Indeed" və "Glassdoor" Yaponiya mərkəzli ana şirkəti "Recruit Holdings"in iş proseslərində süni intellektə daha çox yer verməyə başlaması ilə böyük bir dəyişim prosesinə girir. Təəssüflü bir şəkildə, bu platformaların işçiləri (yəni iş axtaranlara dəstək göstərən və işəgötürənlərə işçi tapmaq kimi missiyası olan insanlar) öz işlərini itirir. Hazırda təxminən 1.300 nəfərin işdən çıxarılması planlaşdırılır.

Valyuta.az xəbər verir ki, bundan əlavə, gələcəkdə "Glassdoor" və "Indeed" daha inteqrasiya olunmuş şəkildə işləyəcək və "Glassdoor"un əməliyyatları "Indeed"ə təhvil veriləcək. 

"Reuters"a sızan daxili şirkət yazışmalarına görə, bu işdən çıxarmalar yalnız Tədqiqat-İnkişaf (R&D) və texnologiya şöbələri ilə məhdudlaşmayacaq, bütün şirkət işçilərinə təsir edəcək.

"Recruit Holdings" iş proseslərini süni intellektlə daha səmərəli etmək məqsədində olduqlarını bildirir. "Süni intellekt dünyanı dəyişdirir və biz də bu dəyişikliyə uyğunlaşmalıyıq" deyən baş birektor Hisayuki İdekoba texnologiyanın sürətlə inkişaf edən rolunu vurğulayıb. Şirkət süni intellekt dəstəkli sistemlərinin hər 2,2 saniyədə bir nəfərə iş tapdığını ifadə edir.

Struktur dəyişiklikləri şirkətin üst rəhbərliyinə də təsir edir. "Glassdoor"un baş direktoru 1 oktyabr tarixində vəzifəsindən ayrılacaq. Həmçinin, "Indeed"in İnsan Resursları meneceri də şirkətdən ayrılacaq, lakin dəqiq tarix hələ açıqlanmayıb. Süni intellektin iş qüvvəsini çevirməsi artıq texnologiya nəhəngləri üçün təəccüblü deyil. Məsələn, "Microsoft" yaxınlarda 9.000 nəfəri işdən çıxaracağını elan etdi. Yenə də şirkət rəhbərləri, süni intellektin insanları tamamilə əvəz edəcəyi fikrinə razı deyil.

"Amazon"da da oxşar vəziyyət

"Amazon"un baş direktoru Endi Cessi isə bu mövzuda daha aşkar şəkildə danışıb. CNBC-ə verdiyi müsahibədə, süni intellektin şirkət əməliyyatlarındakı rolu artdıqca daha az işçiyə ehtiyac olacağını bildirdi. 

Cessi 17 İyunda işçilərinə göndərdiyi qeyddə deyib: "Süni intellekt şirkət üzrə məhsuldarlığı artıracağı üçün, ağ yaxalı işçilərin sayının gələn illərdə azalacağını gözləyirik"

Bu dəyişikliklər, süni intellektin iş dünyasındakı rolunun artan təsirini və işçilər üçün qeyri-müəyyənlik yaradan bir dövrü nümayiş etdirir.

Paşa Məmmədli