Azərbaycan neftinin və qazının ötən il üzrə orta qiyməti açıqlandı

Qeyri-neft sektoru üzrə ixrac 7% artaraq 3,5 milyard dollar təşkil edib.

Valyuta.az xəbər verir ki, bu barədə Mərkəzi Bankın Statistika Departamentinin direktoru Samir Nəsirov bildirib.

Onun sözlərinə görə, qeyri-neft ixracı 7% artaraq 3,5 milyard dollar təşkil edib.

O qeyd edib ki, neft-qaz sektorunun ixracına gəldikdə, xarici ticarət balansının profisitinin azalması neft qiymətlərinin ucuzlaşması ilə bağlı olub.

Belə ki, Azərbaycan neftinin orta reallaşmış qiyməti 68,5 dollar təşkil edib. 2024-cü ildə bu rəqəm 84 dollar olub.

Nəticədə 18,5% azalma müşahidə edilib.

O əlavə edib ki, təbii qazın qiymətində isə müsbət dəyişiklik qeydə alınıb. Belə ki, 2025-ci ildə təbii qazın min kubmetrinin qiyməti 289 dollar təşkil edib. Bu, əvvəlki ilin müvafiq dövrü ilə müqayisədə 15,5% artım deməkdir.

Sərvanə Rəmixanova