Yeyinti məhsullarının ixracı 15% artıb

Bu ilin oktyabr ayında Azərbaycandan xaricə 338,7 milyon ABŞ dolları dəyərində qeyri-neft məhsulları ixrac olunub. Bu göstərici ilə qeyri-neft məhsullarının ixracında ötən ilin müvafiq dövrü ilə müqayisədə 4,2 milyon ABŞ dolları və ya 1,23% azalma müşahidə edilib.

Eyni zamanda oktyabr ayında Azərbaycandan xaricə 120,7 milyon ABŞ dolları dəyərində yeyinti məhsulu ixrac olunub. 

Valyuta.az xəbər verir ki, bu da 15.9 milyon ABŞ dolları dəyərində və ya 15,17% artım deməkdir.

Qeyd edək ki, ötən ilin oktyabr ayında yeyinti məhsullarının ixrac dəyəri 104,8 milyon ABŞ dolları təşkil edib.

Tənzilə Ağabalayeva