Yaponiya tarixində ən böyük satılma həyata keçə bilər: 47 milyard dollar təklif edildi

"7-Eleven" mağazalarının sahibi "Seven & i Holdings" şirkəti, Kanadanın "Alimentation Couche-Tard" şirkəti ilə 47 milyard dollarlıq satınalma təklifi üzrə danışıqlara başlayıb.

Valyuta.az xəbər verir ki, bu müqavilə baş tutarsa, Yaponiyanın tarixində ən böyük satınalma əməliyyatı olacaq.

Məlumatlara görə, kanadalı şirkətin dünyanın ən böyük mağaza şəbəkəsi idarəçilərindən birini almaq marağı iyirmi ildən çoxdur mövcuddur. "Alimentation Couche-Tard"ın "Seven & i"ni rəsmi almaq istəyi  isə avqust ayında ictimaiyyətə elan edilmişdi. Əgər razılaşma baş tutarsa, bu, Yaponiyada bu günə qədər olan ən böyük satınalma müqaviləsi kimi tarixə düşəcək.

Mövzuya yaxın mənbələrə əsasən, hər iki şirkətin məsləhətçiləri arasında ilkin və məhdud görüşlərə başlanılıb. Bununla yanaşı, "Seven & i" Çərşənbə günü Tokio Fond Birjasına açıqlamasında, şirkətin qurucusu İto ailəsinin üzvləri tərəfindən idarə olunan alternativ bir satınalma təklifi aldığını bildirib. Şirkət bu təklifin "məxfi və məcburi xarakter daşımadığını" vurğulayıb.

Rəhim