Yaddaş kartları bahalaşdı, "Nintendo" bir həftədə 14 milyard dollar itirdi

"Nintendo"nun bazar kapitallaşması dekabrın əvvəlindən bəri təxminən 14 milyard dollar azalıb. 

Valyuta.az bu barədə "Bloomberg"ə istinadən xəbər verir.

Bugünkü ticarətdə "Nintendo" səhmləri bu ilin may ayından bəri ən aşağı səviyyəyə düşüb və 4,7% ucuzlaşıb. İnvestorlar yaddaş kartlarının qiymətlərinin artmasına reaksiya verirlər və bunun şirkətin mənfəətinin azalmasına səbəb olacağına inanırlar.

Bir ay əvvəl oyun konsolu istehsalçısı "Switch 2"nin uğurlu satışa çıxarılması sayəsində illik gəlirin 90%, mənfəətin isə 270% artdığını bildirib. "Nintendo" ilk dörd ayda 10,4 milyon ədəd satıb və maliyyə ili (2026-cı ilin martında bitən) üçün satış proqnozunu 1/4 artıraraq 15 milyondan 19 milyona çatdırıb.

Lakin, digər fərdi kompüter və oyun cihazları istehsalçıları kimi, Nintendo da çatışmazlıq səbəbindən yaddaş kartlarının qiymətlərində kəskin artımla üzləşib. "TrendForce" analitik şirkətinin məlumatına görə, "Nintendo"nun "Switch 2" üçün 12 GB RAM kartları üçün ödəməli olduğu qiymət cari rübdə 41% artıb. Yeni konsol üçün NAND fləş yaddaş kartlarının qiyməti təxminən 8% artıb.

Şirkət komponent qiymətlərinin artmasının mənfi təsirini qismən müştərilərə ötürə bilərdi. Bununla belə, "Nintendo" artıq yeni "Switch 2" konsolunu əhəmiyyətli endirimlərlə satır və investorların fikrincə, komponent qiymətlərinin artması ilə birlikdə bu, şirkətin proqnozlaşdırılan maliyyə ili nəticələrinə çatmasına mane olacaq.

Paşa Məmmədli