Azərbaycanda ÜDM istehsalı 1,6% artıb

2025-ci ilin yanvar-noyabr aylarında əhalinin hər nəfərinə düşən ümumi daxili məhsul (ÜDM) 11 356,4 manat təşkil edib.

Valyuta.az xəbər verir ki, bu dövrdə ölkədə istehsal olunan ÜDM-in ümumi həcmi 116,3 milyard manat olub ki, bu da ötən ilin eyni dövrü ilə müqayisədə 1,6% çoxdur.

İqtisadiyyatın neft-qaz sektorunda əlavə dəyər 1,8% azalaraq geriləmə göstərib. Qeyri neft-qaz sektorunda isə 3,2% artım müşahidə olunub.

ÜDM-in strukturunda ən böyük pay sənaye sahəsinə məxsusdur - 34,0%. Ticarət və nəqliyyat vasitələrinin təmiri 10,6%, nəqliyyat və anbar təsərrüfatı 7,2%, tikinti sektoru 6,5%, kənd təsərrüfatı, meşə təsərrüfatı və balıqçılıq isə 6,4% payla təmsil olunub.

Turistlərin yerləşdirilməsi və ictimai iaşə 2,8%, informasiya və rabitə sahələri 1,9%, digər sahələr isə 21,1% təşkil edib. Məhsula və idxala xalis vergilərin ÜDM-dəki payı 9,5% olub.

Mayya Hüseynova