Əsas kapitala 16 mlrd. manatdan çox investisiya yönəldilib

2025-ci ilin yanvar-noyabr aylarında əsas kapitala 16 milyard 658,9 milyon manat məbləğində investisiya yönəldilib.

Valyuta.az xəbər verir ki, bu ötən ilin müvafiq dövrü ilə müqayisədə 3,0% çoxdur.

Bundan əlavə neft-qaz sektoruna yönəldilmiş investisiyaların həcmində 8,5% azalma, qeyri neft-qaz sektoruna yönəldilmiş investisiyaların həcmində isə 8,3% artım qeydə alınıb. 

İstifadə olunmuş investisiyanın 8 421,2 milyon manatı və ya 50,6%-i məhsul istehsalı  sahələrinə, 5 614,3 milyon manatı (33,7%-i) xidmət sahələrinə, 2 623,4 milyon manatı (15,7%-i) isə yaşayış evlərinin tikintisinə sərf olunub. 

Əsas kapitala yönəldilmiş investisiyaların 12 987,5 milyon manatını və ya 78,0%-ni daxili investisiyalar təşkil edib. Əsas kapitala yönəldilmiş investisiyaların 12 687,9 milyon manatı və ya 76,2%-i bilavasitə tikinti-quraşdırma işlərinin yerinə yetirilməsinə sərf olunub.

Mayya Hüseynova