TikTok artıq sizi izləyir - Özünüzü necə qorumalısınız?

"TikTok"un ABŞ-dakı fəaliyyəti yeni Amerika birgə müəssisəsinin idarəçiliyinə keçdikdən sonra tətbiqin istifadəçilər barədə topladığı məlumatların həcmi genişləndirilib.

Valyuta.az xəbər verir ki, yeni sahiblər - "Oracle"ın qurucusu Larry Ellison, Silver Lake və BƏƏ-nin MGX investisiya fondu "TikTok"un yenilənmiş məxfilik siyasətində artıq istifadəçilərin dəqiq və ya təxmini fiziki yerləşməsinin (GPS) toplanacağını təsdiqləyiblər.

Əvvəllər ABŞ-də "TikTok" istifadəçilərinin dəqiq yerləşmə məlumatları toplanmırdı. Yeni qaydalara əsasən, tətbiq istifadəçinin cihaz ayarlarında yerləşmə xidmətlərini aktiv etməsi halında bu məlumatlara çıxış əldə edə bilər.

Mütəxəssislər istifadəçilərə məxfilik risklərini azaltmaq üçün "TikTok"un yerləşmə icazələrini deaktiv etməyi və tətbiqin məxfilik ayarlarını mütəmadi yoxlamağı tövsiyə edirlər.