Ötən il təhsilə nəzərdə tutulandan 319 mln. manat az xərclənib

Ötən dövlət büdcəsindən təhsil xərclərinə 4 milyard 618,3 milyon manat ayrılıb.

Bu barədə APA Maliyə Nazirliyinə istinadən xəbər verir.

Qeyd edək ki, ötən il büdcədən təhsil xərclərinə 4 milyard 937.3 milyon manat ayrılması proqnozlaşdırılırdı. Beləliklə, ötən il təhsil xərcləri proqnozla müqayisədə 319 milyon manat az icra olunub.

Xatırladaq ki, 2025-ci ildə dövlət büdcəsinin gəlirləri 38 milyard 356 milyon manat, xərcləri isə 41 milyard 407,6 milyon manat proqnozlaşdırılmışdı. Ötən il büdcə gəlirləri proqnozdan 775 milyon manat çox, büdcə xərcləri isə 2 milyard 804 milyon manat az icra edilib.