"Spotify" kitab satışına hazırlaşır

"Spotify" səsli kitab biznesini genişləndirərək fiziki kitab satışına başlamağa hazırlaşır.

Valyuta.az xəbər verir ki. şirkət ABŞ və Böyük Britaniyada istifadəçilərə tətbiq üzərindən sevdikləri səsli kitabların çap versiyalarını almaq imkanı verəcək.

Satışlar Bookshop.org vasitəsilə həyata keçiriləcək. "Spotify" bu modeldə komissiya gəliri əldə edəcək, lakin logistika və anbar idarəçiliyi ilə məşğul olmayacaq.

Yeni “Page Match” funksiyası isə istifadəçilərə kitabın səhifəsini telefon kamerası ilə skan edərək səsli kitabda eyni yerdən dinləməyə davam etməyə imkan verəcək. Bundan başqa, indiyədək yalnız iOS-da mövcud olan “Audiobook Recaps” funksiyası Android platformasına da gəlir.