Azərbaycan bu ölkədən kiloqramı 90 manatdan kibrit gətirib

2025-ci ilin yanvar-noyabr aylarında Azərbaycana ümumilikdə 792,34 ton kibrit idxal olunub.

Valyuta.az xəbər verir ki, idxal olunan kibritin ümumi dəyəri 955,16 min ABŞ dolları təşkil edib.

Rəsmi statistikaya əsasən, idxalın əsas hissəsi Rusiya ilə bağlı olub. Bu ölkədən Azərbaycana 791,37 ton kibrit gətirilib. Rusiyadan idxal edilən məhsulun dəyəri 943,43 min ABŞ dolları olub. Nəticədə Rusiyadan gətirilən kibritin 1 kiloqramının orta qiyməti 1,19 ABŞ dolları, yaxud 2,02 manat təşkil edib.

Hesabat dövründə ABŞ-dən ölkəyə 0,02 ton kibrit idxal olunub. Bu məhsulun dəyəri 0,44 min ABŞ dolları olub. ABŞ mənşəli kibritin 1 kiloqramının qiyməti 22 dollar, yəni 37,4 manat səviyyəsində qeydə alınıb.

Böyük Britaniya və Şimali İrlandiya Birləşmiş Krallığından isə Azərbaycana 0,08 ton kibrit gətirilib. İdxalın dəyəri 4,28 min ABŞ dolları təşkil edib. Bu ölkədən idxal olunan kibritin 1 kiloqramı 53,8 dollar, yaxud 90,95 manat olub.

Eyni dövrdə Çindən ölkəyə 0,63 ton kibrit idxal edilib. İdxalın dəyəri 2,08 min ABŞ dolları olub. Çin mənşəli kibritin 1 kiloqramı 3,30 dollar və ya 5,61 manat təşkil edib.

Türkiyədən Azərbaycana 0,2 ton kibrit idxal olunub. Bu idxalın dəyəri 4,43 min ABŞ dolları olub. Türkiyə istehsalı kibritin 1 kiloqramının qiyməti 22,15 dollar, yəni 37,65 manat səviyyəsində qeydə alınıb.

Hesabat dövründə Almaniyadan isə ölkəyə 0,04 ton kibrit gətirilib. İdxalın dəyəri 0,25 min ABŞ dolları olub. Almaniya mənşəli kibritin 1 kiloqramı 6,25 dollar və ya 10,62 manat təşkil edib.

Sərvanə Rəmixanova