Sergey Brin dünyanın ən varlı 3-cü şəxsi oldu

Sergey Brin dünyanın ən varlı şəxsləri siyahısında 3-cü yerə yüksəlib. O, Jeff Bezos və Larry Ellisonu geridə qoyaraq mövqeyini möhkəmləndirib.

Valyuta.az xəbər verir ki, Brinin reytinqdə irəliləməsi "Alphabet" şirkətinin səhmlərinin kəskin bahalaşması ilə bağlıdır. Belə ki, "Alphabet"in bazar dəyəri 4 trilyon dolları ötüb və şirkət bu göstəriciyə çatan dördüncü qlobal nəhəng olub. Daha əvvəl bu həddə "Nvidia", "Microsoft" və "Apple" çatıb.

Məlumata görə, çərşənbə axşamı "Alphabet" səhmləri 1,3% artaraq 337 dolları keçib, son yeddi ticarət günündə isə ümumi artım 6,6% təşkil edib. Eyni vaxtda "Oracle" səhmləri 1,5%, "Amazon" səhmləri isə təxminən 2% ucuzlaşıb.

"Alphabet" səhmlərinə əlavə təkan "Apple" ilə bağlanan yeni süni intellekt razılaşması olub. Razılaşmaya əsasən, "Apple" növbəti nəsil Siri və AI modellərinin əsasını "Google"un "Gemini" texnologiyası üzərində quracaq.

Sərvət göstəriciləri

“Forbes”in real vaxt reytinqinə əsasən:

Sergey Brin – 255,6 milyard dollar
Larri Peyc – 277 milyard dollar
İlon Mask – 725,3 milyard dollar
Ceff Bezos – 253,2 milyard dollar
Larri Ellison – 251,3 milyard dollar

Qeyd edək ki, Brinin sərvəti son artım nəticəsində 4,9 milyard dollar yüksəlib. O, son illərdə "Alphabet" və "Tesla" səhmlərinin bir hissəsini sataraq Parkinson xəstəliyi üzrə elmi araşdırmalara ianə edib.

Sərvanə Rəmixanova