"Aqrar Sığorta" ASC-nin sığorta haqları artıb - Milyonluq mənfəət

2025-ci ilin ilk rübündə "Aqrar Sığorta" ASC-nin toplam sığorta haqqı 8 milyon 817 min manat təşkil edib.

Valyuta.az xəbər verir ki, bu göstərici ötən ilin eyni dövrü ilə müqayisədə 1 milyon 471 min manat və ya 20% artım deməkdir. Belə ki, 2024-cü ilin yanvar-mart aylarında şirkətin sığorta haqqı 7 milyon 346 min manat olub.

2025-ci ilin ilk rübündə "Aqrar Sığorta" ASC tərəfindən ödənilən sığorta məbləği 1 milyon 320 min manat təşkil edib. Müqayisə üçün qeyd edək ki, ötən ilin eyni dövründə bu rəqəm 1 milyon 752 min manat idi. Beləliklə, sığorta ödənişlərində 432 min manat və ya 24% azalma qeydə alınıb.

Bu nəticələr göstərir ki, 2025-ci ilin ilk rübü "Aqrar Sığorta" ASC üçün daha sərfəli olub. Belə ki, cari ilin ilk üç ayında toplanan hər 100 manatdan 14 manat 90 qəpik sığorta ödənişinə yönəldilib. Ötən ilin eyni dövründə isə bu göstərici 23 manat 80 qəpik səviyyəsində olub.

Sərvanə Rəmixanova