Özəl banklara kredit qoyuluşu 1,7 milyard artıb

Bu ilin yanvar-noyabr aylarında Azərbaycanda özəl banklara kredit qoyuluşu 22 milyard 50,3 milyon manat təşkil edib.

Valyuta.az Mərkəzi Banka istinadən xəbər verir ki, bu göstərici ötən ilin eyni dövrü ilə müqayisədə 1 milyard 754,1 milyon manat və ya 8,6% artıb.

2024-cü ilin yanvar-noyabrında kredit qoyuluşu 20 milyard 296,2 milyon manat təşkil etmişdi.

Bununla yanaşı, cari ilin yanvar-noyabr aylarında Azərbaycan iqtisadiyyatına ümumilikdə 31 milyard 451,1 milyon manat kredit qoyulub ki, bu da illik müqayisədə 2 milyard 384,3 milyon manat və ya 8,2% artım deməkdir.

Tənzilə Ağabalayeva