2026-cı ildə necə uğurlu investisiya etmək olar? - SƏHƏR OXUSU

The Sunday Times qəzetinin maliyyə yazarı İan Koui (Ian Cowie) 2026-cı il üçün səhm bazarına dair proqnozlarını və investisiya strategiyalarını açıqlayıb.

Valyuta.az xəbər verir ki, analitik yazıda müəllif bildirir ki, 2026-cı ildə bazarlarda dəyişkənlik yüksək olaraq qalacaq və bu səbəbdən investorlar daha ölçülü, strategiyalı qərarlar verməlidirlər.

İan Kouinin fikrincə, cari ildə uğurlu investisiya üçün aşağıdakı altı əsas yanaşma ön plana çıxır:

1. Uzunmüddətli baxış

Qısamüddətli bazar dalğalanmaları investorları tələsik qərarlara sürükləməməlidir. Müəllif uzunmüddətli perspektivdə dəyər yaradan şirkətlərin seçilməsini tövsiyə edir.

2. Dividend gəliri olan səhmlər

Daimi dividend ödəyən şirkətlər qeyri-müəyyən dövrlərdə daha sabit gəlir mənbəyi kimi qiymətləndirilir.

3. Risklərin şaxələndirilməsi

Bütün vəsaitin bir sektora və ya bir aktivə yönəldilməsi risklidir. Portfelin müxtəlif sahələr üzrə bölünməsi əsas şərtlərdən biri hesab olunur.

4. Texnologiya və innovasiya

Süni intellekt, rəqəmsal infrastruktur və yeni texnologiyalarla məşğul olan şirkətlər 2026-cı ildə də investorların diqqət mərkəzində qalacaq.

5. Qlobal trendlərin izlənməsi

Faiz dərəcələri, geosiyasi risklər və enerji bazarlarındakı dəyişikliklər investisiya qərarlarına birbaşa təsir edir.

6. Emosional qərarlardan uzaq durmaq

Müəllif vurğulayır ki, qorxu və həddindən artıq nikbinlik investisiya üçün ən təhlükəli amillərdir.