"Nvidia" "Intel"də 5 milyard dollarlıq səhm alışını tamamladı

"Nvidia" sentyabrda elan edilən razılaşma üzrə Intel-dən 5 milyard dollara 214,7 milyon səhm alaraq şirkətdə təxminən 4%-lik pay əldə edib.

Valyuta.az xəbər verir ki, səhm alışları 23,28 dollar qiymətindən həyata keçirilib və əməliyyat ABŞ Federal Ticarət Komissiyasının təsdiqindən sonra tamamlanıb.

Bu addım iki şirkət arasındakı genişlənən əməkdaşlığın tərkib hissəsidir. Nvidia və Intel həm datalar mərkəzi, həm də istehlakçı bazarı üçün ortaq çip hazırlamağı, həmçinin Nvidia GPU-larını Intel sistemlərinə inteqrasiya etməyi planlaşdırır.

Əməkdaşlıq süni intellekt və yüksək performanslı hesablama üçün vacib texnologiyalar üzərində qurulur. Nvidia-nın investisiyası Intel-in son maliyyə çətinlikləri fonunda şirkətin nağd vəziyyətinə dəstək kimi qiymətləndirilir.

Sərvanə Rəmixanova