Nəqliyyat vasitələrinin idxalında 32 milyonluq artım

2026-cı ilin yanvar ayında Azərbaycana 204 milyon 156 min ABŞ dolları dəyərində nəqliyyat vasitələri və onların hissələri idxal olunub.

Valyuta.az xəbər verir ki, bu göstərici ötən ilin eyni dövrü ilə müqayisədə 32 milyon 231 min ABŞ dolları və ya 18,75% artım deməkdir.

Belə ki, 2025-ci ilin yanvar ayında ölkəyə 171 milyon 925 min ABŞ dolları dəyərində nəqliyyat vasitələri və onların hissələri idxal edilib.

Hesabat dövründə bu məhsul qrupunun ümumi idxaldakı payı 15,68% təşkil edib. Bu göstərici ötən ilin eyni dövründə 8,38% olub.

Sərvanə Rəmixanova