Milyonçuların pulları ilə etdikləri 6 qəribə davranış - SƏHƏR OXUSU

Milyonçuların əksəriyyəti yalnız fərqli düşünmür, həm də pullarını adi insanlardan tamamilə fərqli şəkildə idarə edirlər. Onların davranışları bəzən qəribə görünsə də, məqsəd zaman və vəsaiti daha effektiv idarə etməkdir.

Valyuta.az milyonçuların pulları ilə gördüyü ən qeyri-adi 10 davranışı təqdim edir.

1. Ferrari-ni bir neçə günlüyünə kirayə götürmək

Lüks idman avtomobilləri həm baha başa gəlir, həm də dəyərini sürətlə itirir. Onları almaq əvəzinə milyonçular xüsusi tədbirlər və görüntü üçün sadəcə bir neçə günlüyə kirayə götürürlər.

2. Özəl təyyarə xərclərini bölüşmək

Milyonçular artıq bütün özəl təyyarəni icarəyə götürmək məcburiyyətində deyil. JSX, Aero kimi xidmətlər təyyarədə yalnız yer almağa imkan verir. Surf Air kimi platformalar aylıq üzvlüklə limitsiz uçuşlar təklif edir.

3. Səyahət zamanı pulsuz qalmaq

Varlı insanlar bir-birindən ödəniş almırlar, onlar xidmət mübadiləsi edirlər.
Milyonçuların villalarında qalmaq mümkün deyilsə, HomeExchange, LoveHomeSwap, TrustedHousesitters və Nomador kimi platformalar vasitəsilə ev dəyişmək və ya ev qoruyuculuğu edərək pulsuz qalmaq mümkündür.

4. Pullarını mütəxəssislərə idarə etdirmək

Milyonçular investisiya qərarlarını tam özləri vermirlər. Onlar portfeli balanslaşdırmaq, vergi optimallaşdırılması və digər əməliyyatlar üçün mütəxəssislərdən istifadə edirlər.

5. Vaxt satın almaq

Milyonçular üçün ən dəyərli resurs pul deyil, vaxtdır.
Onlar ev işləri, təmizləmə, sənədləşmə və digər vaxt aparan işləri başqalarına həvalə edərək öz vaxtlarını qazanc gətirən fəaliyyətlərə ayırırlar.
Bu da daha çox gəlirin əsasını qoyur.

6. Həyat və əmək qabiliyyəti sığortasından imtina

Milyonçular kifayət qədər kapitala sahib olduqları üçün həyat və əlillik sığortasına ehtiyac duymurlar.
Yüksək yığım nisbəti (məsələn, 60–70%) zamanı da ailə kənar risklərdən sığortalanmış kimi olur. Bu da əlavə qənaət və daha sürətli sərvət artımı deməkdir.

Robert Kiyosakinin məşhur sözünə görə, “orta sinif pul üçün çalışır, zənginlər isə pulu özləri üçün çalışdırır”.
Milyonçuların bu davranışlarının məqsədi də məhz budur: müxtəlif aktivlərdən gəlir əldə etmək, zaman qazanmaq və sərvəti daha ağıllı şəkildə yönləndirmək.

Sərvanə Rəmixanova