Mərkəzi Bankdan yayılan 500 manatlıq əsginas xəbərlərinə rəsmi CAVAB

Bir neçə gün öncə sosial şəbəkələrdə üzərində Polad Həşimovun şəkli olan 3000 manatlıq əsginasların tədavülə buraxılmasının saxta xəbər olmasına dair Mərkəzi Bankın yaydığı açıqlamada rəsmi dövriyyədə olan pul nişanları haqda məlumat verilmişdi. Nağd pul dövriyyəsinin təşkili məqsədilə Mərkəzi Bank tərəfindən 7 nominalda (1, 5, 10, 20, 50, 100 və 200 manat) kağız pul nişanları və 6 nominalda (1, 3, 5, 10, 20 və 50 qəpik) metal pul nişanları buraxıldığı qeyd edilmişdi.

Həmin açıqlamada 500 manatlıq əsginaza dair məlumat yer almadığından vətəndaşlar sosial şəbəkələrdə həmin pul nişanının dövriyyədən artıq çıxarıldığına, nağd əməliyyatlarda istifadə olunmadığına dair iddialarla irəli sürmüşdülər.

Valyuta.az xəbər verir ki, Oxu.az bu məsələyə aydınlıq gətirmək üçün Mərkəzi Banka sorğu ünvanlayıb.

Sorğumuza cavab olaraq bildirilib ki, MB tərəfindən bir sıra mövzularda qiymətli metallardan hazırlanmış nominal dəyərə malik məhdud sayda yubiley, xatirə və investisiya pul nişanları, eləcə də 44 günlük Vətən Müharibəsində müzəffər Ali Baş Komandanın başçılığı altında rəşadətli ordumuzun Zəfərinə həsr olunmuş 500 manat nominalında xatirə kağız pul nişanı tədavülə buraxılıb:

"Mərkəzi Bank tərəfindən nağd pul dövriyyəsinin təşkili məqsədilə Mərkəzi Bank 7 nominalda (1, 5, 10, 20, 50, 100 və 200 manat) kağız pul nişanları və 6 nominalda (1, 3, 5, 10, 20 və 50 qəpik) metal pul nişanları buraxıb. Onlar ödəniş vasitəsi kimi geniş şəkildə tədavüldədir və Mərkəzi Bankın rəsmi internet səhifəsində bu nişanlarla bağlı məlumatlar təqdim olunub: cbar.az/page-28/currency-in-circulation" target="_blank" rel="nofollow noopener">https://www.cbar.az/page-28/currency-in-circulation

500 manat nominallı pul nişanı Azərbaycan Respublikası Silahlı Qüvvələrinin Ali Baş Komandanı, möhtərəm Prezident İlham Əliyevin rəhbərliyi ilə Qarabağın azadlığı uğrunda 2020-ci ildə aparılmış 44 günlük Vətən müharibəsində Azərbaycan Ordusunun tarixi Zəfəri münasibəti ilə Mərkəzi Bank tərəfindən 04 noyabr 2021-ci il tarixində tədavülə buraxılıb.

Xatirə banknotunun ön tərəfində "Qarabağ Azərbaycandır!" şüarı, "8 Noyabr Zəfər Günü" ifadəsi, Qarabağın təbii və tarixi abidələri olan Cıdır Düzü, Xudafərin körpüsü, Azərbaycan əsgərinin təsviri, üçrəngli bayraq və Xarıbülbül əks olunub. Arxa tərəfdə isə Molla Pənah Vaqifin məqbərəsi, Əsgəran qalası, Murovdağ və Azərbaycanın xəritəsi təsvir edilib. cbar.az/moneymarks/banknotes/detail/147" target="_blank" rel="nofollow noopener">https://www.cbar.az/moneymarks/banknotes/detail/147

"Azərbaycan Respublikasının Mərkəzi Bankı haqqında" qanunun 36.3-cü maddəsinə əsasən Mərkəzi Bank tərəfindən buraxılmış bütün pul nişanları, o cümlədən investisiya, yubiley və xatirə pul nişanları ölkənin bütün ərazisində nominal dəyərləri ilə hər növ ödənişlərin həyata keçirilməsi, hesablara daxil edilməsi və pul köçürmələrinin aparılması zamanı qəbul edilməlidir.