“Aqrarkredit” BOKT-un əmlakları təkrar satışa çıxarılır - Qiymətlər endirildi

Əmlak Məsələləri Dövlət Xidməti yanvarın 30-da hərrac keçirəcək.

Valyuta.az xəbər verir ki, hərrac "Aqrarkredit" Qapalı Səhmdar Cəmiyyəti Bank olmayan Kredit Təşkilatının balansında olan əmlakların satışı ilə bağlıdır. 

Hərraca start qiyməti 585 min manatdan başlayan 3 ədəd mənzil çıxarılacaq. Bununla bağlı "Aqrarkredit" QSC BOKT-un hesabına  köçürüləcək behin məbləği 29 min 250 manatdır.

Qeyd edək ki, 10 yanvar tarixində BOKT eyni əmlakları 650 min start qiyməti ilə satışa çıxarmışdı.

30 yanvar 2025-ci il tarixində təkrar hərraca çıxarılan "Aqrarkredit" Qapalı Səhmdar Cəmiyyəti Bank olmayan Kredit Təşkilatının balansında olan əmlakların siyahısı:

Əvəz Həsənov