“Access Bank” depozit faizlərini yenidən endirib

“Access Bank” müddətli depozit faizlərini endirib. 

Valyuta.az-ın bankdan əldə etdiyi məlumata görə, iyul ayının sonundan etibarən müddətli depozitlər üzrə faizlər 1 % azaldılıb. Belə ki, müddətli depozitlər üzrə təklif edilən faizlər 11 %-dən 10 %-ə kimi azaldılıb. 

Bank 10 % gəliri 2 il müddətinə yerləşdirilən və faizləri müddətin sonunda ödənilən əmanətlərə təklif edilir. 18 ay üzrə bu rəqəm 9,75 %, 12 ay üzrə 9,5 %, 6 ay üzrə isə 5 % təşkil edir. 

Xatırladaq ki, "Access Bank" 2002-ci ildə yaradılıb. Onun nizamnamə kapitalı 258,7 milyon manatdır. Bankın əsas səhmdarları Asiya İnkişaf Bankı (20,33 %), Avropa İnvestisiya Bankı (17,76 %), Beynəlxalq Maliyyə Korporasiyası (15,86 %), Hollandiya İnkişaf Bankı (9,62 %) və Avstriya İnkişaf Bankıdır (9,36 %).

Pünhan