Ən bahalı 10 Yeni il şam ağacı - SİYAHI

Amerikada ənənəvi bir şam ağacının qiyməti orta hesabla 30–150 ABŞ dolları arasında dəyişir. Lakin bəzən bəzi şəhər və müəssisələr Yeni il ağaclarını bəzəmək və nümayiş etdirmək üçün milyonlarla dollar xərcləyirlər.

Valyuta.az qiyməti 1 milyon dollardan artıq olan bu 10 ağacı təqdim edir.

10. Sofitel St. James Hoteli, London – 55,000 dollar

Londonda yerləşən dəbdəbəli Sofitel St. James hoteli 2010-cu ildə Baccarat kristal evi və Louis XIII Grand-Champagne ilə əməkdaşlıq edərək 55 min dollarlıq qiymətləndirilən Yeni il ağacı təqdim etdi. Ağacda Baccarat tərəfindən hazırlanmış və şampanla doldurulmuş 200 ədəd əl işi mini şüşə yer alırdı.

9. City Centre, Honq Konq – 1,4 milyon dollar

2010-cu ildə Honq Konq şəhəri 90 fut (təxminən 27 metr) hündürlüyündə Yeni il şam ağacı ilə bayram əhval-ruhiyyəsini işıqlandırdı. Ağac 20 milyondan çox Swarovski kristalı və 200 bəzək elementi ilə bəzədilmişdi.

8. Soo Kee zərgərlik mağazası, Sinqapur – 1,5 milyon dollar

Bu 6 metrlik ağac 3,762 ədəd kristal muncuq, 500 işıq və ümumilikdə 900 karatdan çox brilyant ilə bəzədilmişdi. Onun çəkisi 3 ton-dan artıq idi və dəyəri təxminən 1,55 milyon dollar olaraq qiymətləndirilmişdi.

7. Ginza Tanaka zərgərlik mağazası, Yaponiya – 1,6 milyon dollar

2008-ci ildə Yaponiyanın Osaka şəhərində yerləşən “Ginza Tanaka” mağazasında nümayiş etdirilən bu ağac 24 karat saf qızıldan hazırlanmışdı. Üzərində 240-dan çox brilyant və mirvari olan ağac 1,6 milyon dollara qiymətləndirilmişdi.

6. Queen Victoria Binası, Avstraliya – 1,6 milyon dollar

Sidneydə yerləşən Queen Victoria Binasında 2008-ci ildə nümayiş etdirilən bu şam ağacı 4 mərtəbə hündürlüyündə idi. Ağac 8,000 bəzək topu, 40,000 işıq, 400 lent və 1,500 Swarovski kristalı ilə bəzədilmişdi. Bu binada hər il böyük ölçülü şam ağacları qurulması artıq ənənəyə çevrilib.

5. Berlin mərkəzi dəmiryolu vağzalı, Almaniya – 1,6 milyon dollar

2006-cı ildə Almaniyanın Berlin şəhərindəki mərkəzi stansiyada yerləşdirilən bu Yeni il ağacı təxminən 40,000 Swarovski kristalı ilə bəzədilmişdi. Ağac ictimai məkanda yerləşdirildiyindən, hər kəsin görməsi üçün əlçatan olmuşdu.

4. Takashimaya mağazası, Çin – 1,8 milyon dollar

2008-ci ildə bu 15 düymlük (təxminən 38 sm) ağac üzərində 400 ədəd brilyant (Avstraliya və Cənubi Afrikadan alınmış) yerləşdirilmişdi. Ağac oyuncaqlı bir ayı və uyğun zinət əşyaları ilə birlikdə satılmışdı.

3. Steve Quick zərgərlik evi, ABŞ – 1,8 milyon dollar

Bu Yeni il ağacı 18 karatlıq qızıl və 200 karatdan çox brilyant ilə bəzədilmişdi. Ağacın üstündəki brilyantlar ona sanki qar yağmış effekti verirdi.

2. Şoqo Kariyazaki, Yaponiya – 2 milyon dollar

2011-ci ildə məşhur çiçək düzüm sənətçisi Şoqo Kariyazaki tərəfindən hazırlanmış bu ağac saf qızıldan hazırlanmış saplağa malik idi. 8 fut (təxminən 2,4 metr) hündürlüyündəki ağacın üzərində qızıldan hazırlanmış ürəklər, lentlər və güllər vardı. Ağacın ümumi dəyəri 2 milyon dollar idi.

1. Emirates Palace Hotel, Əbu-Dabi – 11,4 milyon dollar

Əbu-Dabidəki dəbdəbəli Emirates Palace Hotel 2010-cu ildə 13 fut (təxminən 4 metr) hündürlüyündə və 11,4 milyon dollar dəyərində Yeni il ağacı nümayiş etdirdi. Ağac “Style Gallery” zərgərlik evindən gətirilmiş zümrüdlər, mirvarilər, brilyantlar, sapfir və digər qiymətli daşlarla bəzədilmişdi.

Tənzilə Ağabalayeva