Dövlət büdcəsinin gəlirləri artıb, xərcləri azalıb

Cari ilin yanvar-oktyabr aylarında Azərbaycanın dövlət büdcəsinin gəlirləri ötən ilin eyni dövrü ilə müqayisədə artıb. 

Valyuta.az xəbər verir ki, gəlirlərin həcmi 32 milyard 891,4 milyon manat olub. 

Bu, ötən ilin eyni dövrü ilə müqayisədə 4,2 faiz və ya 1 milyard 348,9 milyon manat çoxdur. 2024-cü ilin  yanvar-oktyabr aylarında büdcə gəlirləri 31 milyard 542,5 milyon manat olub. 

2025-ci ilin ilk 10 ayında Azərbaycan dövlət büdcəsinin xərcləri ötən ilin eyni dövrü ilə müqayisədə azalıb. Cari ilin yanvar-oktyabr ayında xərclərin həcmi 27 milyard 108,2 milyon manat olub. Bu, ötən ilin eyni dövrü ilə müqayisədə 1,3 faiz və ya 387,6 milyon manat azdır. 2024-cü ilin eyni dövründə  büdcə xərcləri 28 milyard 108,2 milyon manat olub.

Tənzilə Ağabalayeva