Clopos INMerge Ventures-dan investisiya cəlb edib

Clopos startapı INMerge Ventures tərəfindən investisiya aldığını elan edib. 

Valyuta.az  xəbər verir ki, şirkətin həmtəsisçisi Murad Hasanov cəlb olunan vəsait məhsulun inkişafı, komandanın genişləndirilməsi və regional bazarlarda ekspansiyanın sürətləndirilməsinə yönəldiləcəyini bildirib.

Clopos hazırda 12 ölkədə fəaliyyət göstərir və 4500-dən çox restorana xidmət təqdim edir. Şirkət HoReCa sektorunda maliyyə və əməliyyat proseslərini optimallaşdıran bulud əsaslı POS və idarəetmə həlləri ilə tanınır. 

Yeni investisiya bu istiqamətdə innovasiyaların genişləndirilməsinə və bazar payının artırılmasına şərait yaradacaq.