Azərbaycanda orta sahibkarlığa verilən kreditlər artıb

Bu ilin dekabrın 1-nə Azərbaycanda orta sahibkarlıq subyektlərinə verilən kreditlərin həcmi 2 milyard 279,2 milyon manat təşkil edib.

Valyuta.az Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 449,4 milyon manat və ya 24,56 %, cari ilin noyabrın 1-nə müqayisədə 13,1 milyon və ya 0,57% çoxdur.

Belə ki, ötən ilin eyni dövründə Azərbaycanda orta sahibkarlıq subyektlərinə verilən kreditlərin həcmi 1 milyard 829,8 milyon manat, cari ilin noyabrın 1-nə verilən kreditlərin həcmi isə 2 milyard 266,1 milyon manat təşkil edib.

Qeyd edək ki, bu ilin dekabrın 1-nə Azərbaycan banklarının biznes kredit portfelinin həcmi 15 milyard 804,8 milyon manat təşkil edib ki, bu da ötən ilin eyni dövrünə nisbətən 1 milyard 58,1 milyon manat və yaxud 7,1 % çoxdur.

Tənzilə Ağabalayeva